•¦×¦ :: ..الجزء ال3 من لقــــاء مع العــروس (دوحـــانية) حياكـــم... :: ¦×¦•

هذي روابط لمواضيعها المميزه وبتفيدكم باذن الله

طريقتي في تقسيم وصرف المهر


|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

يعطيك العاافية


[COLOR="DarkOrange"]بنت الغالي


والاختيااار على دكتورة دح دح


الله يعينك على اسألتي


خخخخخخخخخخخخخخخخ

شنو احساسك يووم الملجة ؟
كم داامت فترة الخطووبة ؟
كم طولك وطول زوجك ؟
فاارق العمر بينكم ؟
زوجك من الاهل ولا بعيد ؟


هاااي الاسئلة > > > تشبه المقبلااات

خخخخخخخخخخخخخخخخخخخخ

:shy: [/COLOR]

حيا الله ضيفتنا الله يعينك على اسئلتنا
ويش كان شعورك قبل ما يملك المملك؟؟كنتي خائفه متردده ؟؟
ويش شعورك اول ما شافك؟؟
ويش شعورك وقت الزفه؟؟ وحده خائفه موت من الزفه خخخخخخخخخخخخخ
ويش الاشياء الي ندمتي ما سويتها او ندمتي انك سويتيها؟؟
ما كني مضختها كله ويش شعورك
ويعطيك العافيه

هلا هلا بدوحانيه

بصراحه يا بنت الغالي توفقتي بالاختيار كنت انطرج متى تستضيفينها :gum:

نجي لللاسئله

1- ايش اللي اكتسبتيه من زوجج وايش اللي خليتيه يكتسبه منج؟؟؟
2-اشلون تتعاملين مع محاوله تدخل اهل زوجج فحياتج الشخصيه؟؟ واشلون تردين على اسلئلتهم الخاصه؟؟
3-هل طلع الزواج بنفس الصورة اللي تخيلتيها قبل بايام الخطويه او اختلف الوضع بعد الزواج ؟؟
4-تحسن نفسج قدرتي تحتوين زوجج والا بعدج؟؟؟

هذي اسئلتي لحد الحين واذا طرى عللى بالي سؤال ثاني ان شالله برجع واكتبه

ان شالله ما اكون طولت عليج بالاسئله :shy:

تسلمين يا بنت الغالي وعقبال مااصير مشرفة وأستضيفك باللقاء:smile:

والله الصراحة استمتعت في اللقاء اللي كان مع qtr221 ومتأكدة أن بيكون هاللقاء بعد حلو ما شاء الله عليكم تبارك الرحمــــن إجاباتكم تدل على حكمتكم وعقلكم الكبير وربي يوفقكم وينولكم اللي في بالكم يارب.. والصراحة الحين ماعندي أسئلة وفي نفس الوقت ماابي يخلص اللقاء من غير ماأستفيد من خبراتكم وإن شاء الله أفكر بأسئلة وأسألكم:shy:

[mark=000000]متابعه (r)


بالتوفيق[/mark]

الله

احلى شي دكوره دح دح

ممكن اسأل


بسم الله


س1 \ وش الاشياء اللي انصدمتي منها بعد الزواج ؟

س2 \ هل واجهتي مشاكل واثرت فيج في بدايه الزواج ؟ واذا اي اشلون قدرتي تحلين المشكله ؟

س3 \ هل زوجج كانت فيه طبايع ماتعجبج وغيرتي طبعه ؟؟ واذا الجواب اي ؟
ممكن اعرف اشلون قدرتي تغيرين من طباعه اللي ماتعجبج ؟

واذا في بالي اسأله راح اسأل ؟

سامحيني على اسألتي بس ابي اعرف خخخخخخخخخ

ماشالله ونعم الاختيار

موفقه ابله دح دح

انا اتشرف اني اتابع واستمتع الاسئله والردود:)

ماشاءالله اختيار موفق

1_ شلون علاقتج في أهل زوجج يعني شنو هي حدود العلاقة بينكم ؟ شلون تعودتي عليهم ؟

2- واذا ممكن نصيحة لكل البنات شلون الوحده تبني علاة جيدة مع اهل زوجها .؟

جمعة مباركة على الجميع بإذن الله :)

اول شي مشكورة أختي بنت الغالي على الإستضافة و الله يقدرني و أكون عند حسن الظن

و أرد على الأسئلة بمثل ما تبون و أكثر ..

حياكم الله

ليـالـي:
يعطيك العاافية


[COLOR="DarkOrange"]بنت الغالي


والاختيااار على دكتورة دح دح


الله يعينك على اسألتي


خخخخخخخخخخخخخخخخ

شنو احساسك يووم الملجة ؟
كم داامت فترة الخطووبة ؟
كم طولك وطول زوجك ؟
فاارق العمر بينكم ؟
زوجك من الاهل ولا بعيد ؟


هاااي الاسئلة > > > تشبه المقبلااات

خخخخخخخخخخخخخخخخخخخخ

:shy: [/COLOR]

هلا لولة ^^

ماقصرت بنت الغالي :shy:

تفضلي أجوبتي :

1. إحساسي إحساس أي وحدة عندها إمتحان ثاني يوم و مادرست خخخ

إحساسي بصراحة مب محدد .. أول شي كان عادي شوي شوي يقلب على توتر و بعدها صياح

مع الفرح أكيد .. و في نفس الوقت كنت افكر في إمتحاني ثاني يوم و مادرست له :gum:


2.فترة الخطوبة 20يوم ههههه أما اذا تقصدين فترة الملجة فكانت 11 شهر لكن عشان وفاة الوالد الله

الله يرحمه صارت سنةو 4 شهور ( فترة طويلة جدا )

3. طولي 158 و هو 164

4. فارق العمر تقريبا 5 سنين

5. زوجي بعيد :)
.
.

هلا فيج بأي وقت (f)

بنت قطر2007:
حيا الله ضيفتنا الله يعينك على اسئلتنا
ويش كان شعورك قبل ما يملك المملك؟؟كنتي خائفه متردده ؟؟
ويش شعورك اول ما شافك؟؟
ويش شعورك وقت الزفه؟؟ وحده خائفه موت من الزفه خخخخخخخخخخخخخ
ويش الاشياء الي ندمتي ما سويتها او ندمتي انك سويتيها؟؟
ما كني مضختها كله ويش شعورك
ويعطيك العافيه

الله يبقيج عزيزتي :)

1. مثل ماذكرت حق ليالي في سؤالها بس هو الاكيد ماكنت خايفة او مترددة لأني استخرت ربي

وكنت واثقة من قراري و إختياري و الحمدلله ..

2. اول مرة شافني فيها يوم حفلة تلبيس الشبكة و ما كنت ادري إنه راح يدخل

و الله إحراااج بمعنى الإحراج من كثر ماانحرجت مارفعت راسي عن الارض ولما قعدنا ما شلت

عيني عن الباقة اللي ماسكتها ههههههه :o

3. شعوري وقت الزفة كنت فرحانة و واثقة من نفسي و الحمد لله .. حسيت بثبات

بس اول ما انفتح الباب و قبل لا امشي توترت شوي لأني تفاجأت بالعدد الموجود في القاعة ..

لكن لما بديت أمشي التوتر ذي كله راااااااااااااح:clap:

4.ندمت على شغلات لما كنت اجهز ماحطيت لها اعتبار وايد و اكتشفت عقب إنها مهمة مثل ملابس

الطلعات و الزيارات .. شريت لكن ما كثرت ..

بإختصار أقول الحمد لله على كل شي .. ماندمت ندم كبييير على شي سويته أو شي ماسويته

لأني كل حاجة سويتها كنت مخططة لها و كل حاجة ماسويتها راحت عن بالي أو مب مكتوبة لي
.
.


حياج الله في أي وقت (f)

qtr221:
هلا هلا بدوحانيه

بصراحه يا بنت الغالي توفقتي بالاختيار كنت انطرج متى تستضيفينها :gum:

نجي لللاسئله

1- ايش اللي اكتسبتيه من زوجج وايش اللي خليتيه يكتسبه منج؟؟؟
2-اشلون تتعاملين مع محاوله تدخل اهل زوجج فحياتج الشخصيه؟؟ واشلون تردين على اسلئلتهم الخاصه؟؟
3-هل طلع الزواج بنفس الصورة اللي تخيلتيها قبل بايام الخطويه او اختلف الوضع بعد الزواج ؟؟
4-تحسن نفسج قدرتي تحتوين زوجج والا بعدج؟؟؟

هذي اسئلتي لحد الحين واذا طرى عللى بالي سؤال ثاني ان شالله برجع واكتبه

ان شالله ما اكون طولت عليج بالاسئله :shy:

هلا فيج حبيبتي :)

ما قصرت بنت الغالي أكيد ..

تفضلي الأجوبة :

1. اكتسبت منه قوة الشخصية .. و اكتسبت بعد شوية ثقة في النفس كنت محتاجة لها أكثر ..

اكتسب مني طوولة البال و هدوء الأعصاب :gum:

2. الحمدلله إن اهل ريلي مب من النوع اللي يتدخلون في حياة اعيالهم و بناتهم .. و هم يعرفوني

إني من النوع اللي ما أتكلم عن حياتي الشخصية جدامهم و إذا باتكلم بيكون كلامي بشكل

عام ..

أما الأسئلة الخاصة .. فردي على صاحبها بعكس الرد اللي هو يبيه ..

يعني أنسأل الحين عن الحمل و ليش ما حملت لين الحين ... الخ .. الطرف الثاني بيتوقع إني باقول

له عن الأسباب الحقيقية لكني أكتفي بالرد : الله ماكتب << ما أنسى الإبتسامة و الوجه البشوش ..

(r)

3. بصراحة يا قطورة كل اللي كنت حاطته إن الزواج مسؤولية و مسؤولية كبيرة ..

كنت حاطة في بالي .. إني لازم أكون بيرفكت في كل شي .. و أحاتي اشلون باكون كاملة

في كل شي يخص الحياة الزوجية ..

بس لما عشت هالحياة عرفت إنه مب شرط أكون بيرفكت في كل شي بس لازم أكون ملمة أو

عندي خلفية عن كل شي :clap:

4. إلى حد ما ( و الدرب جدامنا طويل ) ..

.
.


حياج الله في أي وقت (f)

نونو القطريه:
الله

احلى شي دكوره دح دح

ممكن اسأل


بسم الله


س1 \ وش الاشياء اللي انصدمتي منها بعد الزواج ؟

س2 \ هل واجهتي مشاكل واثرت فيج في بدايه الزواج ؟ واذا اي اشلون قدرتي تحلين المشكله ؟

س3 \ هل زوجج كانت فيه طبايع ماتعجبج وغيرتي طبعه ؟؟ واذا الجواب اي ؟
ممكن اعرف اشلون قدرتي تغيرين من طباعه اللي ماتعجبج ؟

واذا في بالي اسأله راح اسأل ؟

سامحيني على اسألتي بس ابي اعرف خخخخخخخخخ

هلا فيج نونو :)

تفضلي الإجابات :

1. انصدمت من شغل البيت .. كله في بالي إنه هين و قادرة عليه ..

هو هين صح بس يبي له تنظيم وقت و هالشي شخصيا افتقده ..

انصدمت من الوقت .. أحس مع الزواج و لما تنشغلين بزوجج و بيتج مايكون عندج وقت حق نفسج

مثل قبل .. مثال : قبل لما أدخل اتسبح آخذ لي ساعة في الحمام " تكرمون " :bigsmile:

أما الحين ربع ساعة أو 20 دقيقة إذا نسيت نفسي هههه

طبعا غير عن حاجاتي الشخصية اللي أبي أسويها لعمري و ما ألقى لها الوقت الكافي ..

2. لا الحمد لله ماواجهت أي مشاكل .. لكن تعرفين لما عرست ما كنت مستوعبة الوضع صح ..

توني عروس جديدة طلعاتي كلها مع ريلي " كافيهات / مطاعم / نكتشف الدوحة خخخ ... الخ "

و في بالي إن هذا هو الصح إني دايما أكون معاه .. و نسيت إن عنده هواياته ..

فكنت أتحسس لما يقول لي " ترى انا باروح البر مع الربع " أو " باروح البحر مع اخواني " مثلا

بس مع الوقت عرفت أن المفروض ما أتحسس من هالشي و إن له حق يستانس و يغير جو مب شرط

كله معاي و كل طلعاته غير الدوام تكون وياي ..

بس هاذي هي الشغلة الصغيروووونة اللي كنت أوجهها .. و الحمد لله تعدينا هالمرحلة :shy:

3. شوفي هو أكيد في كل واحد فينا سواء انا و لا هو .. طبايع ماتعجب الطرف الثاني ..

مثلا : يفاجئني ساعات بقرارات سريعة و مفاجئة .. مثال : " هلي بيكشتون باجر .. بتروحين معاهم

و لا لا ؟؟ " يعني قرري الحين من غير ماتفكرين ..

مثل هالطبع مايعجبني .. في البداية كنت أختلف معاه و أبين له جذي مايصير و القرار الفلاني

مايناسبني .. و أبين له ليش مضايقني .. في البداية ماتفهم ليش أنا أتضايق من القرارات السريعة

و في باله إن هالشي بسيط يعني مايبي له تفكير فيه .. يوم شفت جذي .. صرت أوافقه على

قراره اللي مب عاجبني .. و أحسسه بهالشي يعني شوف أنا سويت اللي أنت تبيه بس خذ

نتيجة هالشي .. بس الحين قبل لا يتخذ اي قرار يمسني أو يمسنا إحنا الاثنين .. يشاورني

و يطيب خاطري بعد :shy: لأنه عرف لي لازم أفكر في أي موضوع قبل لا أعطي كلمتي ..
.
.


حياج الله في أي وقت (f)

elegant_QR:
ماشاءالله اختيار موفق

1_ شلون علاقتج في أهل زوجج يعني شنو هي حدود العلاقة بينكم ؟ شلون تعودتي عليهم ؟

2- واذا ممكن نصيحة لكل البنات شلون الوحده تبني علاة جيدة مع اهل زوجها .؟

هلا فيج اليجنت :)

1. علاقتي معاهم .. شوفي أنا أحب أهل ريلي وااايد " قولوا ما شاء الله " و أعتقد إن لي

مكانتي عندهم .. أروح لأمه و أبوه أقعد معاهم و أسلم عليهم و آخذ أخبارهم و أطيب خاطرهم ...

الخ .. ماقدرت أروح لهم رفعت السماعة و اتصلت لهم ..

سافرت مثلا : ما أنساهم بالهدايا و الصوايغ .. و خاصة أمه مثل ما آخذ لأمي آخذ لها ..

أوجبهم في مناسباتهم .. أكون معاهم في تجمعاتهم " تجمعات حريم العيال " .. ما عزلت نفسي

عنهم .. إذا زاروني في البيت أكرم ضيافتهم و أحسسهم هذا بيتكم و اخذوا راحتكم عادي ..

أحاول قد ما أقدر أخلي نفسي خفيفة معاهم ..

أكون عادي في كل شي .. إلا حياتي و تفاصيلها .. و الحمد لله هم مايتدخلون فيها :up:


اشلون تعودت عليهم .. في البداية كان صعب علي إني أدخل معاهم .. بس شوي شوي قدرت

آخذ عليهم و آخذ و أعطي معاهم كلهم بدون إستثناء .. مثل مابينت لج ..


2. نصيحتي : حسسوا أهل أزواجكم إنكم منهم .. و إن مافي فرق بينج و بينهم ..

و أهم شي والدينه و بالذات أمه .. متى ماعديتيها مثل أمج بتمشي حياتج مثل ماتبين و أحسن ..

بس إذا من البداية حطيتي حاجز و حسستيهم بهالحاجز .. يعني مثلا ما قدرتيهم و رحتي لهم

في مناسباتهم .. توقعي باجر مايوجبونج و يجون .. و بيكون صعب عليج عقب إنج تشيلين

هالحاجز اللي انتي حطيتيه ..

و لا تنسين إن باجر بتجيج عيال .. ماتبينهم ينعزلون عن اعيال عمامهم و عن اهلهم .. و مايعرفون

الا هلج اللي دايما رايحة لهم دايما مسوية لهم ..

بإختصار : اللي تزرعينه من البداية مع أهل زوجج " زرع طيب و لا شين" .. بتلقينه في اعيالج ..


.
.


حياج الله في أي وقت (f)

Miss_Qatar

lamitaaa-qatar

تايم آوت

.
.


حياكم الله بأي وقت .. و لا تترددون في طرح أي سؤال :)

طيب الحين دووري


1- واجهتي مشكلة اختلاف البيئه مثل مايقولون ؟؟ يعني مثلا انتي متعوده على لبس ونمط حياه معين ... وزوجج دام انه بعيد يعني اطباعه واطباع هله تختلف عنكم ... ؟؟ هل كان هالشي مشكله وتعديتيها

يعني مثلا


ماكنتي متنقيه ونقبج

أو تلبسين بناطلين وقال لج لاتلبسين

أو تتكحلين وتتمكيجين للطلعات وهو مايخليج


فهمتي علي ؟؟ ولو كان فيه اختلاف ياليت تقولين لنا شلون لازم الوحده تتعامل مع هالشي ؟؟





2- تجربة يوم العرس ... نبي نستفيد من الاخطاء لوكانت فيه اخطاء ؟؟



وأكيد لي رجعه

[grade="00008B FF6347 008000 4B0082"]هلا بنات قطر كلهم انا بحبكم اوى
انا بس عايزة اسال حاجه بسيطه بم انى هتجوز قريب خلااااااااص
انا عايزة اسالك دوحانيه ياترى كنتى خايفه قبل الجواز او حسيتى انك داخله على مسؤوليه كبيرة انتى مش قدها؟
طب عملتى ايه عشان تتغلبى على الاحساس ده لانى هموت منه وممكن متجوزش بسببه والله؟
كمان اقدر اعمل ايه عشان اتغلب على المشكله دى مع العلم انى بحب خطيبى جدا جدا ؟ بس مشكه السفر كمان بعيد عن اهلى مزودة كل الاحاسيس دى والخوف عندى؟ ياترى اعمل ايه بجد لانى محتاجه نصيحه ازاى اكون قد المسؤوليه الى مستنيانى
وكمان انتى كنتى اول الجواز محتارة زيى وخايفه ولا كنتى عادى ؟[/grade]:qaq: